ДОБРО ПОЖАЛОВАТЬ НА ОФИЦИАЛЬНЫЙ САЙТ ГОМЕЛЬСКОЙ ОБЛАСТНОЙ ОРГАНИЗАЦИИ 
БЕЛОРУССКОГО ПРОФЕССИОНАЛЬНОГО СОЮЗА РАБОТНИКОВ ОБРАЗОВАНИЯ И НАУКИ!

  • Image 01
  • Image 03
  • Image 04
  • Image 05
  • III слет педагогических династий
  • II Пленум Гомельского областного объединения профсоюзов
  • VIII съезд Делегация Гомельской области
  • Визит делегации Полтавской области в Гомель
  • Встреча с профсоюзным активом Полтавской области
  • Заседание молодежного совета
  • Областная межотраслевая спартакиада. Речица-2015
  • Областной семинар ветеранов в Гомельском районе
  • Открытие областной отраслевой спартакиады Жлобин-2015

Яна – зямлі сваёй часцінка: абласную літаратурную прэмію атрымала ветэран працы

У 20-ты раз прайшлі Капусцінскія чытанні і ўручана “Капусцінская прэмія” ў Жлобінскім гарадскім цэнтры культуры.

Урачыстасць «Ён зямлі гэтай часцінка…» адбылася 12 лютага і прысвячалася 95-годдзю ўдзельніка Вялікай Айчыннай вайны, беларускага пісьменніка, ураджэнца і ганаровага грамадзяніна Жлобіншчыны Аляксандра Капусціна.

Урачыстасці распачаліся з уручэння абласной літаратурнай прэміі імя А. Капусціна, якую заснавала Гомельскае абласное аддзяленне ГА “Саюз пісьменнікаў Беларусі” і Жлобінскі раённы выканаўчы камітэт. Сёлета яе ўдастоена ветэран педагагічнай працы, мясцовая паэтэса Марыя Смірнова. 

Марыя Сямёнаўна 42 гады вучыла дзяцей рускай мове і літаратуры. А вось у творчасці часта выкарыстоўвае і беларускае слова. Яна – аўтар некалькіх паэтычных зборнікаў і слоў да гімна Жлобіна, доўгі час узначальвала літаратурны клуб «Ліра» пры цэнтральнай раённай бібліятэцы імя Н.К. Крупскай.

Цяпер Марыя Сямёнаўна вядзе актыўную грамадскую работу, сустракаецца са школьнікамі і моладдзю, прымае актыўны ўдзел у працы ветэранскай і раённай прафсаюзных арганізацый.  А яшчэ днямі яна адзначыла сваё 75-годдзе.

Мясцовага аўтара і актыўнага члена прафсаюза  падтрымлівае раённая арганізацыя прафсаюза работнікаў адукацыі і навукі. На сродкі прафсаюзнай арганізацыі ў 2012 і 2018 гадах выдадзены дзве паэтычныя кніжкі ветэрана педагагічнай працы  – “Хачу спяваць табе, зямля” і “Песня малой радзіме маёй”, прысвечаныя любові да роднага краю, памяці аб подзвігу народа ў гады Вялікай Айчыннай вайны. Менавіта раённы камітэт прафсаюза работнікаў адукацыі і навукі вылучыў Марыю Смірнову на атрыманне аўтарытэтнай на Гомельшчыне прэміі.

З творчай узнагародай ветэрана педагагічнай працы павіншавалі начальнік аддзела ідэалагічнай работы, культуры і моладзі Жлобінскага райвыканкама Валянціна Няхай, галоўны рэдактар газеты “Новы дзень” Галіна Мельнікава, начальнік аддзела адукацыі, спорту і турызму райвыканкама Аляксандр Салаўёў, старшыня раённай арганізацыі Беларускага прафсаюза работнікаў адукацыі і навукі Тамара Маліцкая і іншыя.

Аўтар падкрэсліла, што атрыманая высокая адзнака яе працы дасць яшчэ большы штуршок да актыўнай літаратурнай і грамадскай дзейнасці.

Уладзімір МІКАЛАЕЎ

Фота аўтара i з адкрытых iнтэрнет-крынiц

Источник: 1prof.by